شوية نكت حلويين

شوية رجاله واقفين واحد قال اللي بيخاف من مراته يجي ناحية اليمين....كلهم اتحركوا ما عدا واحد
قاله انت بقي يا أمور مش بتخاف من مراتك...قال لأ انا مراتي قالتلي متتحركش من هنا

واحد بيقول لمراته زمان كانوا بيسموا المعتصم بالله والمنتصر بالله
تفتكري لو كنت ايام زمان كانوا يسموني ايه
قالتله اكيد منك لله او أعوذ بالله


واحده بتقول لجوزها لو مت هتعمل ايه
قالها ده انا أتجنن
قالتله يعني مش هتتجوز
قالها المجنون بيعمل اي حاجه

مذيعه بتعمل لقاء مع فلاح عنده جاموستين واحده بيضا والتانيه سودا

بتقوله انت بتاكلهم ايه
قالها البيضا ولا السودا
قالتله البيضا
قالها برسيم
قالتله والسودا
قالها برسيم برده
قالتله بتنيمهم فين
قالها البيضه ولا السودا
قالتله البيضا
قالها في الزريبه
قالتله والسودا
قالها برده في الزريبه
قالتله طيب طالما هما الاتنين نفس الشئ بتسألني ليه انهي فيهم
قالها اصل البيضا بتاعتي
قالتله والسودا
قالها بتاعتي برده